यशवंत सहकारी बँक 112 कोटीचा   गैरव्यवहार प्रकरण “आर्थिक गुन्हे शाखेकडे वर्ग”

फलटण – यशवंत सहकारी बँकेत झालेल्या ११२ कोटींहून अधिकच्या गैरव्यवहारप्रकरणी ठेवीदारांचे जवाब नोंदवण्याचे काम पोलिसांनी सुरू केले आहे, त्यामुळे ठेवीदारांच्या हिताचे संरक्षणाच्या कायद्यानुसार पुढील कारवाई होण्याची शक्यता आहे. हा गुन्हा १०० कोटींहून अधिक रकमेचा असल्यामुळे तो आर्थिक गुन्हे शाखेकडे वर्ग करण्याच्या हालचाली पोलिसांनी सुरू केल्या आहेत. या गैरव्यवहार प्रकरणी शेखर चरेगावकरसह ५० जणांवर गुन्हा दाखल झाला आहे.

राज्य सहकार परिषदेचे माजी अध्यक्ष शेखर चरेगावकर  व अन्य  ५० जणांवर येथील यशवंत बँकेमध्ये ११२ कोटींहून अधिकच्या अपहरणाचा गुन्हा परवा रात्री दाखल करण्यात आला.                                                                                  याची  फिर्याद शासकीय लेखा परीक्षक मंदार  देशपांडे यांनी दिली आहे. देशपांडेयांनी ३१ मार्च २०२५ अखेर लेखापरीक्षण केले. यामध्ये २०२५ पूर्वीच्या कालावधीचेही लेखापरीक्षण करण्यात आले. त्यात चरेगावकर यांच्यासह संबंधितांनी बंद खाती कार्यान्वित दाखवून त्यासाठी बोगस कागदपत्रे तयार करणे,    “बोगस कर्ज प्रकरणे करणे, दस्तऐवजांत फेरफार व खोट्या नोंदी तयार करणे “यासह अन्य अपहाराचा ठपका ठेवण्यात आला आहे. या अपहाराचा छडा लागावा, या अनुषंगाने गुन्हा दाखल करण्यात आला आहे. तो गुन्हा १०० कोटींहून अधिक रकमेचा असल्यामुळे याचा तपास आर्थिक गुन्हे शाखेकडून होण्याची शक्यता आहे. त्या अनुषंगाने पोलीस अहवाल तयार करत आहेत. हा गुन्हा लवकरच आर्थिक गुन्हे शाखेकडे वर्ग होण्याची शक्यता वर्तवण्यात येत आहे. त्याची प्रक्रिया सुरू झाल्याचे खात्रीशीर वृत्त आहे.

      ९ ऑगस्ट २०१४ ते ३१ मार्च २०२५ यादरम्या यशवंत बँकेचे ” अध्यक्ष, कर्मचारी व संचालकांनी स्वतःच्या आर्थिक लाभासाठी ” बँकेचे आर्थिक नुकसान केले. परस्पर संगनमताने ११२ कोटी १० लाख ५७ हजार ४८१ एवढ्या रकमेचा त्यांनी अपहार केला. त्यासाठी बोगस कर्ज प्रकरणे करून या प्रकरणांसाठी खोटी व बनावट कागदपत्रे तयार केली. कर्जास तारण न घेता हेतुपुरस्सर कर्ज वितरण करून जुनी थकीत खाती बंद दाखवून नवीन खाती उघडली.  ” त्याद्वारे निधीच्चा उद्देशबाह्य विनियोग करून तृतीय पक्षांकडे निधी वळवला.” तसेच “दस्तऐवजांत फेरफार व खोट्या नोंदी तयार करून बँकेच्या निधीचा गैरविनियोग करून अपहार ” केल्याचे शासकीय सनदी लेखापाल मंदार देशपांडे यांनी दिलेल्या फिर्यादीत म्हटले आहे. हा अपहार शंभर कोटींहून अधिक असल्यामुळे याचा तपास आर्थिक गुन्हे शाखेकडे वर्ग करण्याच्या हालचाली सुरू आहेत.

 “असाच गैरप्रकार फलटण तालुक्यातील काही पतसंस्थांमध्ये  व  संपूर्ण सातारा जिल्ह्या मधील काही पतसंस्थांमध्ये चालू असलेली चर्चा फलटण व सातारा पंचक्रोशीत  रंगू लागली आहे.“

या सर्व बाबींचा फलटण सहाय्यक निबंधक, उप निबंधक सातारा व शासकीय लेखा परीक्षण कार्यालय फलटण व सातारा गांभीर्याने विचार करून पतसंस्थांमध्ये झालेले गैरव्यवहाराच्या तपासण्या करून निरीक्षण व  परीक्षण करून पतसंस्थांनी बनावट कागदपत्रे तयार करून केलेले घोटाळे उघडकीस आणतील की त्याकडे कानाडोळा करून चाललेल्या गैर प्रकाराला प्रोत्साहन  देतील याकडे फलटण तालुका व सातारा जिल्ह्याचे लक्ष लागून राहिले आहे.

पुढील सविस्तर बातमी साठी ” सा.लोकध्यास ” चा अंक आजच बुकिंग करून ठेवा………….