आंतरराष्ट्रीय महिला दिनानिमित्त चव्हाणवाडीत विविध उपक्रमांचे आयोजन……!!
फलटण : दि. 7 मार्च 2026
चव्हाणवाडी : आंतरराष्ट्रीय महिला दिनानिमित्त महिलांच्या सक्षमीकरणाला चालना देण्यासाठी तसेच विद्यार्थ्यांच्या सुप्त गुणांना वाव देण्यासाठी चव्हाणवाडी येथे विविध उपक्रमांचे आयोजन करण्यात आले आहे. Cummins India Limited आणि Work for Equality यांच्या संयुक्त विद्यमाने हा कार्यक्रम आयोजित करण्यात आला होता.
दि. ६ मार्च २०२६ रोजी सकाळी ८.३० ते दुपारी १२.३० या वेळेत चव्हाणवाडी हायस्कूलच्या पटांगणात हा कार्यक्रम पार पडला. या कार्यक्रमात विद्यार्थ्यांसाठी आणि महिलांसाठी विविध उपक्रमांचे आयोजन करण्यात आले होते. समाजात स्त्री-पुरुष समानतेचा संदेश देण्याचा प्रयत्न केला गेला.
कार्यक्रमाची सुरुवात प्रभातफेरीने झाली.महिला सन्मान आणि समानतेचा संदेश देत गावातून फेरी काढण्यात आली. त्यानंतर सकाळी ९.३० वाजता विद्यार्थ्यांसाठी चित्रकला स्पर्धा घेण्यात आली. विद्यार्थ्यांच्या कल्पनाशक्तीला वाव मिळावा आणि सामाजिक विषयांवर विचार मांडता यावा हा या स्पर्धेचा उद्देश होता.
याचबरोबर सकाळी १० वाजता मुलांसाठी ‘भाकरी बनवणे’ स्पर्धा आयोजित करण्यात आली होती. घरकामातील समानता आणि स्वावलंबनाची जाणीव मुलांमध्ये निर्माण व्हावी यासाठी हा उपक्रम राबविण्यात आला. तसेच मुलींसाठी ‘विजेचे बल्ब निर्मिती’ प्रशिक्षण आयोजित करण्यात आले होते. ज्यामुळे विज्ञानाची आवड निर्माण व्हावी आणि कौशल्य विकासाला चालना मिळावी हा त्यामागील हेतू होता.
या कार्यक्रमात जिल्हा परिषद प्राथमिक शाळा, चव्हाणवाडी आणि चव्हाणवाडी हायस्कूल, चव्हाणवाडी चे विद्यार्थी व शिक्षकांनी सहभागी घेतला. आयोजकांनी गावातील महिला, विद्यार्थी आणि नागरिकांनी मोठ्या संख्येने उपस्थित राहून या उपक्रमांना सहकार्य करावे, असे आवाहन केले होते.
या कार्यक्रमाच्या माध्यमातून “स्त्री-पुरुष समानता, हाच प्रगतीचा खरा वाटा” हा संदेश समाजापर्यंत पोहोचविण्याचा प्रयत्न करण्यात आला.
जागतिक महिला दिनाच्या निमित्ताने रयत शिक्षण संस्थेचे श्री ज्योतिर्लिंग इंग्लिश स्कूल चव्हाणवाडी विद्यालयात कमिन्स इंडिया कंपनी सुरवडी व वर्क फॉर इक्वलिटी संस्था पुणे यांच्या संयुक्त विद्यमाने कार्यक्रम घेण्यात आला. यामध्ये विद्यालयाचे मुख्याध्यापक श्री.निकाळजे विठ्ठल बाबुराव उपशिक्षक श्री.क्षीरसागर पी एस सर, श्री.राजपुरे आर जे सर, सौ.चव्हाण एन एस, श्री.भोईटे एस आर सर वर्क फोर इक्वलिटी संस्थेच्या अध्यक्षा प्रभा विलास मॅडम पुणे, वर्क फॉर इक्वलिटी संस्थेच्या मॅनेजर सौ राजेश्री रासकर मॅडम, फिल्ड ऑफिसर सौ.उर्मिला चव्हाण मॅडम, सोनल मोरे मॅडम, सौ रेखा जगताप मॅडम,जिल्हा परिषद प्राथमिक शाळा चव्हाणवाडी श्री शशिकांत कदम सर, श्री शिंदे सर, श्री अर्जुन सर इत्यादी सर्व लोक उपस्थित होते
