🕊 धम्मदेसना उत्साहात संपन्न – भंते बुद्धपुत्र सुमेध बोधी यांचे प्रेरणादायी मार्गदर्शन 🕊

फलटण (प्रतिनिधी) –
रविवार, दि. २७ जुलै २०२५ रोजी डॉ. बाबासाहेब आंबेडकर स्मृती भवन (समाज मंदिर), मंगळवार पेठ, फलटण येथे आयोजित धम्मदेसना कार्यक्रम उत्साही वातावरणात पार पडला. कार्यक्रमाचे प्रमुख धम्मदेशक म्हणून चैत्यभूमी, मुंबई येथील आणि भारतीय बौद्ध महासभा, महाराष्ट्र राज्य भिक्खू संघाचे सचिव सन्माननीय आ. भंते बुद्धपुत्र सुमेध बोधी (A) यांनी उपस्थित राहून मार्गदर्शन केले.

आपल्या प्रभावी आणि प्रेरणादायी धम्मदेशनेत भंतेजींनी सांगितले की,

> “बुद्ध धम्म हा दुःखमुक्तीचा मार्ग आहे. हा मार्ग केवळ ऐकून नव्हे, तर वाचून, समजून आणि आचरणात आणूनच खरा लाभ मिळतो. त्यामुळे प्रत्येक घरात व विहारात बुद्ध व धम्मवाचन नियमित व्हावे.”



तसेच, वर्षावास कार्यक्रम प्रत्येक वर्षी नियोजनबद्ध रीत्या आयोजित होणे गरजेचे असल्याचेही त्यांनी सांगितले.
भंतेजींनी मंगळवार पेठेतील नागरिकांना विशेष आवाहन करताना सांगितले की,

> “प्रत्येक चौक, गल्लीबोळात ‘चारिका’ म्हणजेच धम्मप्रसार यात्रा घेतली जावी, जेणेकरून बौद्ध धम्माचे शाश्वत आणि वैज्ञानिक विचार अधिक लोकांपर्यंत पोहोचतील.”



कार्यक्रमाला स्थानिक नागरिक, बौद्ध अनुयायी व विविध मान्यवर मोठ्या संख्येने उपस्थित होते. “नमो बुद्धाय” च्या घोषात कार्यक्रमाचा समारोप झाला.

🌸 कार्यक्रमाचे आयोजक 🌸
चंद्रकांत मोहिते, कुणाल किशोर काकडे, कपिल काकडे, सागर काकडे,
गौतम अहिवळे, सुरज काकडे, प्रतीक गायकवाड, सागर भोसले,
सुशांत काकडे, दयानंद काकडे, वैभव काकडे, शंतनु काकडे,
हेमंत काकडे, प्रतीक काकडे, केतन सोरटे, अजय जगताप